Komuna e Preshevës ka njoftuar qytetarët se, për shkak të rritjes së kërkesave dhe fluksit të madh të bashkatdhetarëve gjatë sezonit të pushimeve verore, është marrë vendim për zgjatjen e orarit të punës në Shërbimin e Ofiqarisë.

Vendimi është miratuar në mbledhjen e Këshillit Komunal të mbajtur më 16 qershor 2025, dhe do të jetë në fuqi nga data 15 korrik deri më 15 gusht 2025.

📌 Orari i ri i punës është si vijon:

E hënë – e premte: 07:00 – 18:00 E shtunë: 09:00 – 15:00

Ky vendim është marrë për t’u krijuar mundësi qytetarëve dhe në veçanti bashkatdhetarëve, që të kryejnë me kohë dhe pa vonesa shërbimet e nevojshme administrative gjatë qëndrimit në vendlindje.

“Komuna e Preshevës u dëshiron të gjithë bashkatdhetarëve pushime të këndshme dhe mirëseardhje në Preshevë!” – thuhet në njoftimin zyrtar.

📍 Njoftimi është firmosur nga Kryeshefi i Administratës Komunale, z. Muhamed Abdullahu.