Preshevë – Sot u.d. drejtori i shkollës fillore “Prof. Ibrahim Kelmendi”, z. Bardhyl Bajrami, vizitoi paralelet e ndara në Norçë dhe Stacion Hekurudhor, ku zhvillohet mësimi për ciklin e ulët.

Gjatë kësaj vizite, u shpërndanë tekste mësimore, çanta me mjete shkollore, si dhe pajisje të reja (plazma) për nevojat e mësimdhënies.

U.d. drejtori, z. Bajrami, uroi nxënësit dhe mësimdhënësit për fillimin e vitit të ri shkollor, duke i befasuar fëmijët me ëmbëlsira, gjë që solli gëzim dhe atmosferë festive në klasë.