Kryetari i Alternativës për Ndryshim, Visar Memeti, ka publikuar dokumente që sipas tij tregojnë mënyrën se si janë shpenzuar fondet e ndara nga Republika e Kosovës për bujqit e Luginës.

Në një reagim publik, Memeti theksoi se këto fonde nuk janë përdorur për destinacionin e tyre të paraparë, por për shpenzime të tjera, duke përfshirë pagesa për mediume dhe aktivitete të ndryshme.

“Ja kjo është arsyeja pse këta, me çdo kusht, kanë dashur që subvencionet për bujqësi të shpallen përmes KNSh-së, edhe pse të vetëdijshëm se janë në kundërshtim me ligjin. Mirëpo, këta nuk e kanë pasur hallin e bujqve, këta e kanë pasur hallin e 80 mijë eurove!” – ka shkruar Memeti.

Ai shtoi se sa herë që këtyre nuk iu kalon “hajnia”, e luajnë rolin e patriotit, duke ngritur pikëpyetje mbi transparencën e menaxhimit të këtyre fondeve.

A1info