Këngëtari i njohur Shemsi Krasniqi – Shemi, vokalisti i grupit legjendar “Ilirët”, është ndarë nga jeta, duke lënë pas një dhimbje të madhe në skenën muzikore shqiptare.

Shemi ishte një nga zërat më të veçantë dhe më të dashur për publikun, artisti që i dha shpirt këngës së pavdekshme “Xhamadani vija vija”, e cila u shndërrua në simbol kombëtar dhe bashkoi breza të tërë shqiptarësh.

Sipas informacioneve të fundit, ai është gjetur pa shenja jete, ndërsa shkaqet e vdekjes ende nuk janë konfirmuar zyrtarisht nga autoritetet përkatëse. Hetimet dhe verifikimet janë në proces.

Humbja e Shemit ka prekur thellë kolegët, miqtë dhe adhuruesit e shumtë të muzikës së grupit “Ilirët”, duke lënë një boshllëk të pazëvendësueshëm në kulturën muzikore shqiptare.

🕊️ Ngushëllime familjes, miqve dhe gjithë dashamirëve të muzikës së tij.