Sot është finalizuar asfaltimi i rrugës në fshatin Golimi Dol, investim që synon përmirësimin e infrastrukturës rrugore dhe lehtësimin e qarkullimit për banorët lokalë.

Ky projekt, i realizuar nga pushteti lokal, është pjesë e angazhimit të vazhdueshëm për të ofruar kushte më të mira jetese dhe zhvillimi për qytetarët.

Falë këtij investimi, banorët e Golimi Dolit do të kenë tashmë rrugë më të sigurta dhe më funksionale, çka do të ndikojë drejtpërdrejt në përmirësimin e mirëqenies së përgjithshme.

Autoritetet lokale theksojnë se mbeten të përkushtuara që projekte të ngjashme të realizohen në çdo vendbanim të komunës.