Kryetari i Lëvizjes për Reforma, z. Sami Salihu, kritikon ashpër kryetaren e komunës së Preshevës, Ardita Sinanin, për neglizhencën e pushtetit komunal që ajo e udhëheq, lidhur me mospërgatitjen e duhur për raste të jashtëzakonshme, siç është zjarri mbi fshatin Corroticë.

Salihu në rrjetin social shkruan:

“Banorët në flakë, tym e rrezik, ndërsa kryetarja në rehati. Jo për tu përgatitur për sezonin e zjarreve, por për sezonin e dasmave. As plan emergjence, as mobilizim,vetëm heshtje dhe rehati. Kur qytetarët përballen me zjarr e panik, kur qentë endacakë kafshojnë fëmijë, pushteti lokal zgjedh të jetë jashtë zyre. Sepse pushimet, si duket, janë më prioritare se përgjegjësia.”

A1info