Preshevë, maj 2025 Nën udhëheqjen vizionare të Ardita Sinanit, Ragmi Mustafës, dhe me mbështetjen e kryeministrit në dytyrë Albin Kurti, përmes këshilltares së tij në Preshevë, Presheva po përjeton një kapitull të ri integrimi ndërkombëtar. Në këtë realitet të ri, emigrantët pa shtetësi kanë më shumë gjasa të zënë pozita drejtuese sesa qytetarët e lindur dhe rritur në Preshevë.

Që nga fillimi i luftës në Siri, Presheva është bërë mikpritëse e një Qendre Pranuese për Azil, ku shumica e banorëve vijnë nga vendet aziatike dhe Lindja e Mesme. Në shtetet normale, kriteri i parë për punësim në administratën publike është shtetësia. Por jo në Preshevë. Këtu, kriteret janë… pengesë për integrim.

Nën pushtetin e Zonjës së Madhe të Preshevës, e cila është njëherësh edhe këshilltare e kryeministrit Kurti, rregullat janë sa fleksibël, aq edhe të padukshme. Mjafton të mos jesh nga Presheva dhe të mos kesh dokumente dhe dyert e karrierës janë të hapura.

Konkurs për emigrantë, në pesë gjuhë të huaja

Nesër pritet të shpallet një konkurs zyrtar pranë Qendrës për Azil, për pozitën e drejtorit të shkollës në Moravc, me dokumentin e përkthyer në arabisht, sirianisht, palestinezisht, afganisht dhe anglisht, që azilantët të mos mbeten jashtë loje.

Ky institucion udhëhiqet nga Partia për Veprim Demokratik, që në frymën e bashkëjetesës globale, promovon qasjen “sa më pak kritere, aq më shumë diversitet”.

Zëmra e madhe s’njeh ligje të vogla

Presheva me Arditën dhe me bekimin e heshtur të Kurtit është bërë simbol i hapjes totale. Jo më aplikime me CV, referenca apo njohje të gjuhës shqipe. Mjafton të mos jesh vendas dhe të jesh në listën e pritjes për azil.

Sipas burimeve të pakonfirmuara, pritet së shpejti të hapet edhe Ministria për Integrimin e Emigrantëve Pa Identitet, me seli në një tendë përballë komunës, dhe me financim nga “zemra e madhe”.

Presheva me Arditën këshilltare e Kurtit dhe kampione e përfshirjes pa kufij.

Lajm satirik, por i vërtetë! 😃

A1info.