Të martën, më 24 qershor 2025, Donald Trump, presidenti i Shteteve të Bashkuara, në një postim në Twitter njoftoi për një armëpushim midis Izraelit dhe Iranit, duke thënë se bota mirëpret këtë vendim. Njëkohësisht ai përcolli përgëzime për botën, Iranin, Izraelin dhe Lindjen e Mesme.

Trump gjithashtu bëri të ditur se pas 24 orësh, Irani dhe Izraeli do ta ndalin zyrtarisht luftën.

Ai tha se Irani do të bëjë hapin e parë dhe do ta ndalë luftën në gjashtë orët e para, duke njoftuar armëpushimin. Ndërkohë, Izraeli do ta ndalë luftën në orën e 12-të, duke shpallur gjithashtu armëpushim.