Një sukses i jashtëzakonshëm për arsimin dhe talentin shqiptar vjen këtë vit nga një nxënës i ri nga Presheva. Ajan Hajrullahu ka arritur të fitojë medalje të bronztë në European Mathematical Olympiad 2026, një nga garat më prestigjioze të matematikës për nxënës të shkollave të mesme në Evropë.

Olimpiada u mbajt në Vilnius, Lithuania, duke mbledhur nxënësit më të talentuar nga mbarë kontinenti, të cilët garuan në zgjidhjen e problemeve komplekse matematikore që kërkojnë nivel të lartë logjike dhe kreativiteti.

Sipas njoftimit të Shoqata e Matematikanëve të Kosovës, ekipi i Kosovës u paraqit me sukses në këtë kompeticion ndërkombëtar, duke fituar një medalje të bronztë dhe dy mirënjohje nderi.

Përveç Ajan Hajrullahut, me Mirënjohje Nderi u vlerësuan edhe nxënësit Lyron Celina dhe Vesa Xhymshiti, të cilët gjithashtu kontribuuan në përfaqësimin dinjitoz të vendit.

Ky rezultat konsiderohet një arritje e rëndësishme dhe një dëshmi e potencialit të madh që kanë të rinjtë shqiptarë në fushën e shkencave ekzakte.