Partia Demokratike Shqiptare (PDSH) organizoi sot darkën tradicionale të fundvitit, ku morën pjesë një numër i madh aktivistësh dhe mbështetësish të saj.

Në këtë takim, Kryetari i PDSH-së, z. Ragmi Mustafa, falënderoi të gjithë aktivistët për angazhimin, përkushtimin dhe kontributin e vazhdueshëm në forcimin e partisë dhe në realizimin e objektivave të saj politike.

Gjatë fjalës së tij, kryetari i partisë prezantoi edhe prioritetet e PDSH-së në kuadër të pushtetit lokal, duke theksuar rëndësinë e bashkëpunimit, unitetit dhe punës së përbashkët për avancimin e interesave të qytetarëve dhe për zhvillimin e komunitetit.

Darka e fundvitit u zhvillua në një atmosferë miqësore, duke reflektuar frymën e bashkimit dhe vizionin e përbashkët të PDSH-së për sfidat dhe angazhimet e ardhshme politike.