NATO ka reaguar ashpër pas raportimeve se Turqia është shënjestruar nga një raketë balistike e lëshuar nga Irani.

Sipas autoriteteve turke, raketa e nisur nga Teherani është interceptuar me sukses nga sistemet mbrojtëse të aleancës përpara se të hynte në hapësirën ajrore turke, duke shmangur pasoja të mundshme.

Zëdhënësja e NATO-s, Allison Hart, deklaroi për Reuters se aleanca qëndron e vendosur përkrah të gjitha vendeve anëtare, përfshirë Turqinë, përballë asaj që e cilësoi si “sulme të vazhdueshme rajonale nga Irani”.

“NATO mbetet e bashkuar dhe e përkushtuar për mbrojtjen kolektive të çdo aleati,” theksoi ajo.

Ngjarja vjen në një kohë tensionesh të rritura në rajon, ndërsa zhvillimet e fundit pritet të ndikojnë më tej në marrëdhëniet mes palëve.

Burimi: RTSH