Aktivisti politik dhe biznesmeni Muharrem Salihu në qendër të vëmendjes së mediave italiane. Gazeta prestigjioze ekonomike Milano Finanza ka publikuar një artikull ku pasqyrohet angazhimi i tij në botën e biznesit, ndërkombëtarizimin e ndërmarrjeve italiane dhe forcimin e bashkëpunimit ekonomik me vendet e Ballkanit Perëndimor.

Shkimi në gjuhën Italiane: https://www.milanofinanza.it/news/confimprese-venezia-guarda-ai-balcani-per-spingere-l-internazionalizzazione-202610021128317347p

Në cilësinë e presidentit të Confimprese Venezia dhe përgjegjësit për Ndërkombëtarizimin e Confimprese Italia, Salihu është angazhuar në krijimin e partneriteteve dhe mundësive të reja për kompanitë italiane, me fokus të veçantë në Ballkanin Perëndimor.

Confimprese, Venezia guarda ai Balcani per spingere l’internazionalizzazione

Confimprese: Venezia shikon drejt Ballkanit për të nxitur ndërkombëtarizimin

Shoqata feston 30-vjetorin dhe synon të forcojë rrjetin ndërkombëtar. Në fokus janë partneritetet dhe projektet e reja për kompanitë italiane në Ballkanin Perëndimor.

Confimprese Italia synon të forcojë rrjetin e saj ndërkombëtar dhe veçanërisht i kushton vëmendje Ballkanit Perëndimor, si një zonë me potencial zhvillimi për kompanitë italiane.

Kjo temë u diskutua në Fiuggi, ku nga 25 deri më 27 shtator u zhvilluan aktivitetet për 30-vjetorin e shoqatës, e cila përfaqëson mbi 80 mijë mikro, të vogla dhe të mesme ndërmarrje.

Tre ditë me takime u zhvilluan në Teatrin Komunal të Fiuggit, aty ku në vitin 1996 u themelua shoqata. Në aktivitetet e jubileut morën pjesë përfaqësues të institucioneve, botës së biznesit dhe diplomacisë, si dhe delegacione të shumta ndërkombëtare.

Ndër protagonistët ishte Muharrem Salihu, president i Confimprese Venezia dhe përgjegjës për Ndërkombëtarizimin e Confimprese Italia, i cili mori pjesë në drejtimin dhe organizimin e aktiviteteve.

Sipas Salihut, afërsia gjeografike dhe marrëdhëniet ekonomike ekzistuese e bëjnë Ballkanin Perëndimor një terren të rëndësishëm për zhvillimin e partneriteteve, shkëmbimeve tregtare dhe projekteve të reja sipërmarrëse.

«Forcimi i bashkëpunimit ndërkombëtar do të thotë krijimi i mundësive të reja për ndërmarrjet», theksoi Salihu.

Objektivi është që marrëdhëniet institucionale dhe sipërmarrëse të shndërrohen në mundësi konkrete bashkëpunimi dhe zgjerimi në tregjet e huaja, me vëmendje të veçantë ndaj strukturës prodhuese të Venetos dhe zonës së Venecias.

Artikulli i Milano Finanza e vendos kështu angazhimin e Muharrem Salihut në një kontekst më të gjerë të ndërkombëtarizimit të sipërmarrjeve italiane dhe të krijimit të lidhjeve të reja ekonomike me Ballkanin Perëndimor.