Preshevë, 2 tetor 2025 – Ndërmarrja Publike “Moravica” ka njoftuar qytetarët e Komunës së Preshevës se, për shkak të ndërprerjeve të energjisë elektrike në zonën e Karadakut dhe në fshatin Çukarkë, ka pasur ndërprerje të furnizimit me ujë.

Sipas njoftimit zyrtar, sapo të rikthehet furnizimi me energji elektrike, ekipet e NP “Moravica” do të jenë në terren për të kontrolluar gjendjen dhe për të siguruar normalizimin e plotë të rrjetit të ujësjellësit.

“Furnizimi me ujë do të rikthehet shumë shpejt. Ju falënderojmë për mirëkuptimin dhe bashkëpunimin tuaj”, thuhet në njoftim.

Qytetarët janë ftuar të jenë të durueshëm derisa të përfundojnë punimet dhe kontrolli teknik në zonat e prekura.