Prishtinë — Mehmet Klinaku nga radhët e Aleancës për Ardhmërinë e Kosovës (AAK) ka deklaruar se qytetarët e Luginës së Preshevës që jetojnë në Republikën e Kosovës meritojnë dinjitet dhe respekt institucional.

Në një reagim publik, Klinaku theksoi se minimumi që institucionet mund të bëjnë për këta qytetarë është pajisja e tyre me dokumente zyrtare, duke shtuar se anashkalimi i këtij problemi ka ndodhur për një kohë të gjatë.

“Gjithmonë krah teje, krah secilit, krah vendit,” ka shkruar ai, duke ritheksuar angazhimin e tij dhe të AAK-së për trajtim të barabartë dhe respekt ndaj të gjithë qytetarëve.

Deklarata e Klinakut vjen në kuadër të thirrjeve të vazhdueshme për zgjidhje institucionale të çështjes së dokumentacionit për qytetarët e Luginës së Preshevës që jetojnë në Kosovë.

#krahteje #AAK129 #RamushHaradinaj1 #MehmetKlinaku39