Kurti takon Osmanin dhe Sadikun nga Presheva, shprehin mbështetje për “Koalicionin Shqiptar” – mbetet e paqartë statusi i disa kandidatëve të SPP-së

Publikuar 1 javë më parë

Prishtinë, 2 tetor 2026 – Kryeministri i Republikës së Kosovës, Albin Kurti, ka pritur në takim aktivistët politikë nga Presheva, Fatlum Osmani dhe Faim Sadiku, të cilët kanë shprehur mbështetje për listën e përbashkët “Koalicioni Shqiptar”, që do të garojë në zgjedhjet parlamentare të 25 tetorit 2026 në Serbi.

Gjatë takimit, Kurti ka theksuar rëndësinë e besimit, përgjegjësisë dhe bashkëpunimit, duke vlerësuar mbështetjen e tyre për “Koalicionin Shqiptar”.

Kryeministri i Kosovës i ka falënderuar Osmanin dhe Sadikun për gatishmërinë për bashkëbisedim dhe për mbështetjen e marrëveshjes së arritur më 29 shtator 2026 në Zyrën e Kryeministrit të Republikës së Kosovës.

Kurti ka falënderuar gjithashtu drejtuesit e Unionit të Afaristëve “Vizioni për Preshevë, Medvegjë dhe Bujanoc” për zotimin e tyre për t’u angazhuar në mbështetje të “Koalicionit Shqiptar”.

Sipas Kurtit, marrëveshjet marrin jetë përmes fjalës së mbajtur dhe punës së përbashkët, ndërsa përgjegjësia ndaj qytetarëve kërkon që qëndrimet e shprehura të shndërrohen në angazhim dhe bashkëpunim.

E paqartë situata me kandidatët që ishin në listën e SPP-së

Në ndërkohë, mbetet për t’u sqaruar edhe statusi i disa kandidatëve shqiptarë që më herët ishin pjesë e listës së Partisë së Drejtësisë dhe Pajtimit (SPP) të udhëhequr nga Usame Zukorlić.

Pas krijimit të “Koalicionit Shqiptar”, në opinion kanë qarkulluar pretendime se disa prej kandidatëve që ishin në listën e SPP-së mund të jenë përfshirë ose të kenë dhënë mbështetje për listën e re shqiptare.

A1 INFO ka kontaktuar njërin prej kandidatëve për të marrë një sqarim nëse kandidatura e tij nga lista e SPP-së është tërhequr zyrtarisht dhe cili është statusi i tij aktual në garën për deputet.

Deri në momentin e publikimit të këtij lajmi, A1 INFO nuk ka marrë përgjigje.

Për këtë arsye, mbetet e nevojshme një konfirmim zyrtar nga kandidatët ose subjektet përkatëse për të sqaruar nëse është bërë tërheqje formale e kandidaturave dhe çfarë ndikimi mund të ketë kjo në listat zgjedhore.

Ndërkohë, zhvillimet rreth “Koalicionit Shqiptar” dhe statusit të kandidatëve shqiptarë pritet të sqarohen në ditët në vijim.

Kurti takon Osmanin dhe Sadikun nga Presheva, shprehin mbështetje për “Koalicionin Shqiptar” – mbetet e paqartë statusi i disa kandidatëve të SPP-së

Publikuar 1 javë më parë

Prishtinë, 2 tetor 2026 – Kryeministri i Republikës së Kosovës, Albin Kurti, ka pritur në takim aktivistët politikë nga Presheva, Fatlum Osmani dhe Faim Sadiku, të cilët kanë shprehur mbështetje për listën e përbashkët “Koalicioni Shqiptar”, që do të garojë në zgjedhjet parlamentare të 25 tetorit 2026 në Serbi.

Gjatë takimit, Kurti ka theksuar rëndësinë e besimit, përgjegjësisë dhe bashkëpunimit, duke vlerësuar mbështetjen e tyre për “Koalicionin Shqiptar”.

Kryeministri i Kosovës i ka falënderuar Osmanin dhe Sadikun për gatishmërinë për bashkëbisedim dhe për mbështetjen e marrëveshjes së arritur më 29 shtator 2026 në Zyrën e Kryeministrit të Republikës së Kosovës.

Kurti ka falënderuar gjithashtu drejtuesit e Unionit të Afaristëve “Vizioni për Preshevë, Medvegjë dhe Bujanoc” për zotimin e tyre për t’u angazhuar në mbështetje të “Koalicionit Shqiptar”.

Sipas Kurtit, marrëveshjet marrin jetë përmes fjalës së mbajtur dhe punës së përbashkët, ndërsa përgjegjësia ndaj qytetarëve kërkon që qëndrimet e shprehura të shndërrohen në angazhim dhe bashkëpunim.

E paqartë situata me kandidatët që ishin në listën e SPP-së

Në ndërkohë, mbetet për t’u sqaruar edhe statusi i disa kandidatëve shqiptarë që më herët ishin pjesë e listës së Partisë së Drejtësisë dhe Pajtimit (SPP) të udhëhequr nga Usame Zukorlić.

Pas krijimit të “Koalicionit Shqiptar”, në opinion kanë qarkulluar pretendime se disa prej kandidatëve që ishin në listën e SPP-së mund të jenë përfshirë ose të kenë dhënë mbështetje për listën e re shqiptare.

A1 INFO ka kontaktuar njërin prej kandidatëve për të marrë një sqarim nëse kandidatura e tij nga lista e SPP-së është tërhequr zyrtarisht dhe cili është statusi i tij aktual në garën për deputet.

Deri në momentin e publikimit të këtij lajmi, A1 INFO nuk ka marrë përgjigje.

Për këtë arsye, mbetet e nevojshme një konfirmim zyrtar nga kandidatët ose subjektet përkatëse për të sqaruar nëse është bërë tërheqje formale e kandidaturave dhe çfarë ndikimi mund të ketë kjo në listat zgjedhore.

Ndërkohë, zhvillimet rreth “Koalicionit Shqiptar” dhe statusit të kandidatëve shqiptarë pritet të sqarohen në ditët në vijim.