Kryeministri i Republikës së Kosovës, Albin Kurti, mbrëmë ishte mirëpritur nga banorët e fshatrave: Breznicës e Bilinicës, si dhe bashëkombës nga Medvegja, Muhoci dhe Qarri.
Kurti në fjalimin e tij, ndër të tjera theksoi se Kosova është me Luginën dhe pranë Luginës si asnjëherë më parë.
Ai para banorëve i numëroi shifrat buxhetore të ndara për Luginën, dhe siguroi se përkrahja e Prishtinës do të jetë direkte për përmirësimin e mirëqenies së tyre
Ai këto premtime i paraqiti para banorëve të këtyre fshatrave duke potencuar;

“Mbrëmë në Karaçevë të Dardanës, u mirëpritëm nga banorë të Breznicës e Bilinicës, si dhe bashëkombës tanë nga Medvegja, Muhoci dhe Qarri.
Linja e rregullt buxhetore për Luginën, e cila sivjet është katër milionë euro, dyfish më shumë sesa në vitin 2022, do të thotë vëmendje dhe kujdes i rregullt për shqiptarët e Preshevës, Medvegjës dhe Bujanocit.
Përkrahja jonë nga Prishtina është mbështetje direkte për përmirësimin e mirëqenies së tyre, për mbrojtjen e të drejtave përballë diskriminimit, ruajtjen e identitetit, qëndresën e përditshme kundër shtypjes dhe pabarazisë, dhe faktorizimin e shqiptarëve si popull autokton”.