Kryetari i KKSh-së Enkel Rexhepi në faqen e tij në facebook, ka paraqitur vendimin e Qeverisë së Kosovës për t’i mbështetur 30 sepcializantë nga Lugina dhe Mali i Zi.

Sipas kryetarit, Rexhepi “ Kjo mbështetje shkon përtej shifrave: ajo ndikon drejtpërdrejt në fuqizimin e sistemit shëndetësor dhe zhvillimin profesional të mjekëve tanë. Për Luginën tonë. Ky hap do të thotë më shumë mundësi, kujdes shëndetësor më cilësor dhe ndërtim të kapaciteteve kombëtare, njofton, a1info.

Ai më tej falënderoi Qeverinë për mbështetje ne domosdoshme për një investim në të ardhme tonë.

Ky është postimi i kryetarit Enkel Rexhepi:

“Vendimi i Qeverisë së Kosovës për të mbështetur 30 specializantë nga Lugina e Preshevës dhe Mali i Zi me 360 mijë euro nuk është thjesht një investim financiar – është një angazhim konkret për të ardhmen e shqiptarëve në rajon.

Kjo mbështetje shkon përtej shifrave: ajo ndikon drejtpërdrejt në fuqizimin e sistemit shëndetësor dhe zhvillimin profesional të mjekëve tanë. Për Luginën tonë. Ky hap do të thotë më shumë mundësi, kujdes shëndetësor më cilësor dhe ndërtim të kapaciteteve kombëtare.

Siç e theksoi kryeministri Albin Kurti, “mbështetja për shqiptarët e Luginës së Preshevës nuk duhet të kufizohet vetëm në rritjen e buxhetit nga 1 milion euro në vit, por të shtrihet edhe në sektorë strategjikë.” Dhe ky vendim është një dëshmi e qartë e përkushtimit të Kosovës për përkujdesje të vazhdueshme ndaj shqiptarëve në Luginë.

Falënderojmë Qeveria e Republikës së Kosovës për këtë mbështetje të domosdoshme, që nuk është thjesht ndihmë, por një investim në të ardhmen tone”!

a1info