Po mbahet konferenca e tretë “Ekonomia Shpëton Luginën”, organizuar nga Unioni i Afaristëve për Preshevë, Bujanoc dhe Medvegjë. Gjatë ngjarjes po prezantohet projekti ekonomik gjigand, një pikë grumbulluese për produktet bujqësore në Luginë, me vlerë mbi 700 mijë euro, që bashkon 100 aksionarë shqiptarë nga rajoni dhe diaspora.

Kryetari i Unionit, Xhelal Mehmeti, tha se kjo iniciativë ka nisur në 2023 dhe synon të përforcojë bizneset afariste në Luginë. Në konferencë marrin pjesë afaristë dhe Odat Ekonomike nga të gjitha vendet ballkanike.