Sot, më 1 Qershor, Komuna e Bujanocit kremtoi Ditën Ndërkombëtare të Fëmijëve me aktivitete festive për më të vegjlit. I pranishëm ishte edhe kryetari i Komunës, Arbër Pajaziti, i cili uroi fëmijët dhe theksoi rëndësinë e kësaj dite si simbol i shpresës dhe përgjegjësisë sonë për të ardhmen.

“Çdo fëmijë meriton të rritet me dashuri, edukim cilësor dhe mundësi të barabarta. Le të mbeten buzëqeshjet e tyre udhërrëfyesi ynë,” u shpreh Pajaziti.

Në të gjithë komunën u organizuan lojëra, aktivitete kulturore dhe shpërndarje dhuratash për fëmijët.

Gëzuar 1 Qershori!