Këshilli Kombëtar Shqiptar (KKSH) ka hapur thirrje publike për mbështetje financiare të projekteve në disa fusha të rëndësishme, përmes implementimit të Programit për shpërndarjen e buxhetit të Qeverisë së Kosovës. Ky program ka për qëllim të kontribuojë në ruajtjen, zhvillimin dhe promovimin e kulturës shqiptare, si dhe të mbështesë përdorimin e gjuhës shqipe dhe simbolve kombëtare në Luginën e Preshevës dhe Sanxhak.

Thirrjet janë hapur për projektet në këto fusha:

Gjuhë shqipe dhe simbole kombëtare Arti, kultura dhe trashëgimia kulturore shqiptare Informimi dhe media në gjuhën shqipe Mbështetje për projekte nga organizata dhe shkolla sportive

Kriteret e Aplikimit:

Projekte të ndryshme që mbështesin ruajtjen dhe zhvillimin e identitetit kulturor shqiptar mund të aplikojnë për financim. Aplikimi bëhet sipas udhëzimeve të dhëna në secilin link që i referohet fushës përkatëse.

Përfituesit e këtij programi do të vlerësohen nga profesionistë të fushave përkatëse, të cilët do të sigurojnë një proces të pavarur dhe transparent të vlerësimit.

Më shumë informacion dhe udhëzime për aplikim mund të gjeni në linket përkatëse:

Gjuhë shqipe dhe simbole kombëtare Arti, kultura dhe trashëgimia kulturore shqiptare Informimi dhe media në gjuhën shqipe Mbështetje për organizata dhe shkolla sportive

Këshilli Kombëtar Shqiptar inkurajon organizatat dhe individët që janë të angazhuar për promovimin e kulturës dhe identitetit shqiptar të aplikojnë dhe të kontribuojnë në këto projekte.