Preshevë, 8 prill 2025 Qendra Sportive “Presheva” i dha jetë një turneu të veçantë volejbolli, ku protagoniste ishin vajzat e shkollave fillore të komunës. Me qëllim fuqizimin e sportit tek të rejat dhe nxitjen e aktivitetit fizik që në moshë të hershme, ky aktivitet u zhvillua në një atmosferë të gjallë dhe garuese.

Në fushën e sportit u ballafaquan ekipe nga shkollat fillore të Preshevës dhe fshatrave përreth, ku përfundimisht vendet e para u ndanë kështu:

SH.F. “Selami Halaçi” – Rahovicë SH.F. “Prof. Ibrahim Kelmendi” – Preshevë SH.F. “Dituria” – Corroticë

Turneu solli jo vetëm emocion, por edhe një mesazh të fuqishëm: sporti është për të gjithë, dhe vajzat meritojnë hapësirë e përkrahje në çdo disiplinë sportive. Organizatorët u shprehën të kënaqur me pjesëmarrjen dhe entuziazmin e të rejave, duke premtuar që aktivitete të tilla do të vazhdojnë të jenë pjesë e kalendarit sportiv të komunës.

Në këtë ditë, fituese ishin të gjitha vajzat që morën pjesë – për guximin, përkushtimin dhe shpirtin sportiv.

A1 Info

Sporti është fuqi, bashkim dhe inspirim.