Sot u mbajt seanca e parë e Shtabit për Situata të Jashtëzakonshme në Komunën e Bujanocit, ku u miratuan disa vendime të rëndësishme për mbrojtjen e qytetarëve dhe territorit të komunës nga rreziqet natyrore dhe emergjencat. Gjatë kësaj seance, u diskutuan masat që do të merren për parandalimin dhe menaxhimin e situatave të jashtëzakonshme.

Ndër vendimet kryesore të aprovuara ishin:

1. Plani Operativ për Mbrojtjen nga Vërshimet për Vitin 2025, që do të sigurojë një reagim të shpejtë dhe efektiv në rastet e vërshimeve, me qëllim minimizimin e dëmeve dhe mbrojtjen e banorëve dhe pasurive.

2. Plani Operativ për Zbatimin e Masave Parandaluese për Mbrojtjen nga Zjarret në Ambiente të Hapura, që do të fokusohet në parandalimin e zjarreve dhe forcimin e kapaciteteve për të përballuar situata të tilla gjatë periudhave me rrezik të lartë.

3. Vendimi për Blerjen e Pajisjeve për Njësinë e Mbrojtjes Civile, i cili do të mundësojë pajisjen e kësaj njësie me mjete të nevojshme për të rritur efikasitetin dhe gatishmërinë për menaxhimin e emergjencave.

Këto masa pasqyrojnë angazhimin e Komunës së Bujanocit për forcimin e sistemit të mbrojtjes civile dhe garantimin e sigurisë për qytetarët në situata të jashtëzakonshme. Shtabi për Situata të Jashtëzakonshme do të vazhdojë me punën e tij për implementimin e këtyre planeve dhe koordinimin e institucioneve përkatëse.