Tiranë, 12 Shtator 2025 – Në 20-vjetorin e Federatës për Paqe Universale, profesoresha dhe artiste Besiana Mehmedi u nderua në kryeqytetin shqiptar me titullin e lartë “Ambasador i Paqes”.

Ky vlerësim është një njohje e punës së saj profesionale dhe misionit artistik, i cili përmes muzikës dhe artit synon të mbjellë paqe dhe harmonizim në shoqëri. Besiana Mehmedi është bërë pjesë e kësaj familjeje botërore të paqes, duke ndarë misionin e saj me personalitete nga mbarë bota.

Në ceremoninë e organizuar në Tiranë, Mehmedi theksoi se “Paqja fillon me një buzëqeshje”, duke theksuar rëndësinë e artit si një urë komunikimi dhe bashkimi për të gjithë shqiptarët.

Urime të përzemërta për prof. Besiana Mehmedi, e cila tashmë përfaqëson Shqipërinë në këtë iniciativë ndërkombëtare për paqen dhe harmoninë globale.