Houston / Kaliforni – Pas një misioni historik rreth Hënës, ekuipazhi i Artemis II është kthyer i sigurt në Tokë, duke përfunduar një ulje në ujë (splashdown) në Oqeanin Paqësor.

Pas hapjes së kapsulës Orion, ekipet mjekësore të Marinës amerikane u afruan me gomone për të kontrolluar gjendjen e astronautëve ende brenda kapsulës. Sipas procedurës, ata u ekzaminuan fillimisht në vend përpara se të dilnin nga anija.

Rreth orës 03:30 (koha lokale), astronautët dolën nga kapsula nën duartrokitjet e ekipit të NASA-s në qendrën e kontrollit në Houston.

Të lodhur nga udhëtimi dhe efektet e mungesës së gravitetit, ata u ndihmuan të kalonin në gomone shpëtimi. Më pas, një helikopter i Marinës i transportoi në anijen luftarake USS John Murtha, përpara transferimit të mëtejshëm drejt Johnson Space Center në Houston, Teksas.

Atje pritet një fazë disa-javore rehabilitimi mjekësor dhe analizash shkencore mbi efektet e misionit në trupin e njeriut në hapësirë.

Sipas NASA-s, astronautët do të ribashkohen me familjet e tyre në orët e ardhshme, ndërsa më vonë do të zhvillohet edhe një konferencë për shtyp në Houston.

Burimi: Bild