Ardita Sinani është nderuar sot me titullin ndërkombëtar “Ambassador of Peace” (Ambasadore e Paqes), i akorduar nga World Peace Organization.

Në një takim të mbajtur në Preshevë, Sinani priti një delegacion i cili i dorëzoi këtë vlerësim, duke theksuar rolin e saj dhe të komunës në promovimin e bashkëpunimit, dialogut dhe mirëkuptimit në nivel lokal dhe rajonal.

Në delegacionin që mori pjesë në ceremoninë e ndarjes së çmimit ishin:

• Rabit Sadiku
• Agim Rushiti
• Halil Ajvazi
• Hajrie Klaiqi

Kryetarja Sinani shprehu mirënjohje të veçantë për kontributin e Prof. Dr. Rabit Sadiku, duke vlerësuar angazhimin e tij në këtë proces.

Ajo theksoi se ky çmim është një motiv shtesë për të vazhduar përkushtimin në forcimin e paqes, bashkëpunimit dhe zhvillimit të qëndrueshëm në rajon.

“Do të vazhdojmë me përkushtim në këtë drejtim,” u shpreh Sinani.