Alternativa demaskon qeverisjen aktuale të Ardita Sinanit, duke e akuzuar për mashtrim publik dhe përvetësim të punës së të tjerëve. Sipas Alternativës, Sinani nuk ka asnjë projekt të vetin për qytetarët dhe përpiqet të prezantojë si sukses iniciativën për pagesën e ekskursionit të maturantëve — projekt ky që është nisur nga Alternativa në vitin 2023.

Alternativa thekson se këtë vit, maturantët janë detyruar të paguajnë 70 euro nga xhepi i tyre, ndërsa komuna vetëm 130 euro, ndërkohë që gjatë dy viteve të Alternativës në pushtet, kjo pagesë mbulohej plotësisht nga komuna, pa asnjë kosto për nxënësit dhe prindërit.

“Ky është një manipulim i ulët nga Ardita Sinani,” thuhet në reagimin e Alternativës, “e cila pas një viti dështimesh përpiqet të fshehë paaftësinë me gënjeshtra dhe vjedhje të meritat e të tjerëve.”

A1 info