Shaip Kamberi sot flet me zë të lartë si deputet, shfaqet si “luan” në deklarata publike dhe mundohet të ndërtojë imazhin e një mbrojtësi të palëkundur të shqiptarëve. Por kujtesa politike e qytetarëve të Bujanocit nuk është aq e shkurtër. Para se të ishte deputet, Shaip Kamberi ka qenë kryetar komune – dhe pikërisht aty fillon kontradikta e madhe.

Si kryetar, Kamberi nuk ishte as i zëshëm, as i guximshëm. Vendimet e tij ishin të buta, shpesh të dëmshme dhe pa vizion. Në vitin 2019, gjatë mandatit të tij, u realizuan projekte që sot po i kushtojnë komunës qindra mijëra euro, përfshirë pagesa për rrugë të përfunduara prej vitesh. Atëherë, ai nuk ishte “luan”. Ishte i heshtur, i kujdesshëm dhe i gatshëm të lëshonte pe – kryetar pulë, që nuk mbrojti interesin e shqiptarëve dhe as buxhetin publik.

Sot, si deputet, rolet janë ndërruar. Retorika është ashpërsuar, patriotizmi është bërë flamur ditor dhe fajin e kanë gjithmonë të tjerët. Por realiteti nuk fshihet me fjalime. Paratë e humbura, projektet e dyshimta dhe dëmi i buxhetit të Komunës së Bujanocit kanë emër dhe mbiemër politik – dhe ai emër lidhet me kohën kur Shaip Kamberi ishte në krye të komunës.

Ironia është e madhe:

Si kryetar, asfalt për serbët dhe heshtje për shqiptarët.

Si deputet, fjalë të mëdha për shqiptarët dhe zero përgjegjësi për të kaluarën.

Nuk mund të ndërtosh figurën e “luanit” sot, duke harruar se dje ke qenë ai që nuk guxoi të mbrojë interesin publik. Qytetarët nuk kërkojnë role të ndryshueshme sipas pozitës politike. Ata kërkojnë konsekuencë, përgjegjësi dhe llogari.

Sepse patriotizmi i vërtetë nuk matet me zërin në Kuvend, por me veprat kur ke pushtetin në dorë. Dhe aty, Shaip Kamberi ka dështuar.

Editoriali buron nga shkrini i kryetarit të Bujanocit Arbër Pajaziti.

https://www.facebook.com/share/p/173LhY2AHG/?mibextid=wwXIfr