Sot, Ambasadori i Republikës së Kosovës në Beograd, Sh.T. Jetish Jashari, është pritur nga kryetarja e komunës së Preshevës, Ardita Sinani, në një takim të vëllazëror dhe me frymë bashkëpunimi.

Gjatë takimit u diskutuan çështje aktuale që prekin shqiptarët në Luginën e Preshevës, përfshirë edhe Raportin e fundit të Komisionit Evropian për Serbinë, i cili evidenton si problem pasivizimin e adresave të shqiptarëve në këtë rajon. Të dy palët theksuan se kjo çështje kërkon vëmendje dhe zgjidhje urgjente për të mbrojtur të drejtat themelore të komunitetit shqiptar.