Bujanoc – Nën kujdesin e kryetarit të komunës, Arbër Pajaziti, po vazhdojnë punimet për rregullimin e sinjalizimit horizontal në rrugët e qytetit dhe në fshatrat e komunës së Bujanocit.

Ky projekt synon të rrisë sigurinë në komunikacion dhe të përmirësojë kushtet për të gjithë pjesëmarrësit në trafik, duke përfshirë këmbësorët, shoferët dhe biçiklistët.

“Do të vazhdojmë përpjekjet tona për të siguruar rrugë më të sigurta dhe infrastrukturë moderne për të gjithë qytetarët,” – theksoi kryetari Arbër Pajaziti.

Punimet po realizohen në bashkëpunim me shërbimet komunale dhe do të përfshijnë rrugët kryesore të qytetit, si edhe arteriet rrugore në zonat rurale.

A1 info