EPS nga 1 tetori rrit çmimet e energjisë elektrike me të paktën shtatë përqind, dhe ulja e zonës së kuqe në 1,200 kWh mund të rrisë faturat e familjeve deri në 30 përqind, njofton, Biznis Kurir, përcjell A1info.

Të premten, EPS zyrtarisht paraqiti një kërkesë në Agjencinë e Energjisë për një rritje të çmimit të energjisë elektrike për familjet nga 1 tetori, i cili, sipas rekomandimit të FMN-së, duhet të jetë të paktën shtatë përqind.

Kjo kërkesë duhet të miratohet këto ditë, dhe ajo që ky institucion i pavarur ka miratuar tashmë, gjithashtu me rekomandimin e këtij institucioni ndërkombëtar, është ulja e pragut për hyrjen në zonën e kuqe nga 1,600 në 1,200 kilovat.

Ishte kjo masë që shkaktoi shqetësim tek pjesa e popullsisë që përdorë energjinë elektrike si energji ngrohëse, sepse faturat e energjisë elektrike të disave, madje edhe me një rritje prej 7 përqind të çmimit të kilovatëve, varësisht nga konsumi, mund të rriten me 30 përqind. Kjo masë nuk është surprizë për ekspertët, por qytetarët mund të habiten nëse nuk janë të kujdesshëm me shpenzimet e tyre.

Këtë e paralajmëron edhe Željko Marković, një inxhinier elektrik i diplomuar, i cili tregoi përmes shifrave se çfarë do të ndodhë me familjet nga 1 tetori.