Përmes një postimi publik, ish-kryetari i Këshillit Kombëtar Shqiptar, Nevzad Lutfiu, ka reaguar ashpër ndaj vendimit të fundit të Ministrisë së Financave – Drejtorisë Tatimore.

Sipas tij, në konkursin për pozitën e inspektorit tatimor me kohë të pacaktuar në Administratën Tatimore në Bujanoc, është pranuar një kandidat serb nga Vranja, ndonëse për vendin konkurruan një shqiptare dhe shtatë kandidatë serbë nga vetë Komuna e Bujanocit.

Lutfiu thekson se institucionet shtetërore në Bujanoc po mbushen gjithnjë e më shumë me kuadro nga Vranja, ndërsa profesionistët lokalë po shpërfillen, gjë që ai e cilëson si alarmuese.

📢 “U bëj thirrje të gjithë akterëve politikë shqiptarë për reagim dhe reflektim,” – ka shkruar Lutfiu.