Me pikëllim njoftojmë se ka ndërruar jetë Bujar Bukoshi, një nga figurat më të rëndësishme të historisë së Kosovës. Si kryeministri i parë i Republikës së Kosovës, ai udhëhoqi në kohët më të vështira, duke qenë zëri institucional i rezistencës shqiptare.

Zgjedhja e tij nga Presidenti Rugova ishte vendimtare për udhën e Kosovës drejt shtetformimit. Bukoshi ishte një politikan që nuk imitoi askënd – ai veproi me bindje, guxim dhe vizion.

Në një kohë të mbushur me sfida dhe pasiguri, ai qëndroi si simbol i përkushtimit dhe qëndrueshmërisë. Sot, Kosova humbi një protagonist të saj të madh.

Lamtumirë, Bujar Bukoshi. Mirënjohje për jetën dhe veprën tënde.