Preshevë, [data e sotme] – Kryetarja e Komunës së Preshevës, znj. Ardita Sinani, ka theksuar sot se qeverisja lokale po dëshmon me vepra të prekshme angazhimin e saj për fuqizimin ekonomik të gruas. Në këtë kuadër, u bë ndarja zyrtare e 6 granteve për gratë ndërmarrëse, të cilat janë financuar nga Ambasada e Shqipërisë në Beograd, që vepron në kuadër të Ministrisë për Evropën dhe Punët e Jashtme.

“Po bëjmë gjithçka që të sigurojmë fonde të rrjedhshme dhe po ndërtojmë bazamente të projekteve me kontinuitet, për të garantuar mbështetje të qëndrueshme edhe për vitet në vijim,” u shpreh kryetarja Sinani gjatë ceremonisë së ndarjes së granteve.

Ky projekt është pjesë e një strategjie të gjerë bashkëpunimi dhe zhvillimi, e cila synon të fuqizojë rolin e gruas në jetën ekonomike dhe sociale të komunës.

“Faleminderit për përkrahjen e vazhdueshme – ky është modeli i punës sonë: konkret, bashkëpunues dhe në shërbim të qytetarëve,” shtoi znj. Sinani.

Ky hap konkret vjen si dëshmi e përkushtimit të Komunës së Preshevës për zhvillim të qëndrueshëm dhe përfshirës, duke vënë theksin në fuqizimin e grave si pjesë e rëndësishme e këtij vizioni.