Pas një debati të ashpër televiziv në TV Klan Kosova, situata mes gazetarit Nexhat Behluli dhe Ardian Gaxherrit ka përshkallëzuar përtej ekranit. Sipas një postimi të bërë nga vetë Behluli, vetëm 10 minuta pas përfundimit të debatit, ai pretendon se është kërcënuar dhe fyer rëndë nga Gaxherri përmes telefonit dhe mesazheve.

Në përpjekje për të ulur tensionet, Behluli tregon se i ka propozuar Gaxherrit një takim ballë për ballë për të sqaruar situatën dhe për të kërkuar falje nëse ishte e nevojshme. Gaxherri i kërkoi të kalonte kufirin dhe ta priste në Kosovë. Behluli shkoi, por pasi priti më shumë se një orë pa asnjë shenjë nga Gaxherri, ai vendosi të kontaktojë përsëri përmes mesazheve. Pas disa kërkesash për t’u takuar në Gjilan, Behluli sërish nuk arriti të takohej me të dhe mori vetëm mesazhe fyese e kërcënuese.

Në postimin e tij publik, Behluli ka ndarë disa nga mesazhet e marra dhe ka deklaruar se po shqyrton mundësinë për të denoncuar rastin në Policinë e Kosovës pas konsultimeve me avokatin e tij.

Rasti ka ngjallur reagime të shumta në opinionin publik, duke ngritur pikëpyetje mbi etikën dhe profesionalizmin e të përfshirëve në debate publike. Situata mbetet e paqartë dhe pritet të marrë zhvillime të mëtejshme në ditët në vijim.

Miq të dashur, Behluli përfundon postimin e tij me një urim për agjërim të pranuar për të gjithë besimtarët. Ka përfunduar Behluli.

A1info!