LONDËR — Presidenti i Ukrainës, Volodymyr Zelensky 🇺🇦, ka marrë garanci të qarta nga disa vende evropiane për mbështetje të mëtejshme ushtarake, në kuadër të samitit për sigurinë e Evropës dhe ndihmën ndaj Ukrainës, të organizuar nga kryeministri britanik Keir Starmer.

Në takimin që u mbajt në Londër dhe zgjati rreth dy orë, liderët evropianë dhe kryeministri i Kanadasë diskutuan mbi nevojën për forcimin e mbrojtjes së Ukrainës kundër agresionit rus dhe garantimin e stabilitetit në rajon.

Zelensky theksoi rëndësinë e bashkëpunimit ndërkombëtar, duke u shprehur se “çdo ndihmë ushtarake është thelbësore për të mbrojtur lirinë dhe pavarësinë e Ukrainës”.

Kryeministri britanik Keir Starmer pritet të mbajë një konferencë për shtyp ku do të zbulojë më shumë detaje mbi marrëveshjet e arritura dhe hapat e radhës për përkrahjen ushtarake të Ukrainës.

📸 AP

(A1 Info)