18 Marsi – Dita Botërore e Riciklimit

Dita Botërore e Riciklimit lindi në vitin 2018 për të ndihmuar në përkujtimin dhe njohjen e rëndësisë së riciklimit në ruajtjen e burimeve tona të çmuara primare dhe sigurimin e të ardhmes së planetit tonë. Është një ditë që bota të bashkohet dhe të vendosë planetin në plan të parë.

Misioni i kësaj dite është tu tregojë liderëve botërorë se riciklimi është shumë i rëndësishëm për të mos qenë një çështje globale dhe se nevojitet urgjentisht një qasje e përbashkët dhe e bashkuar për riciklimin.

Dekada e fundit ka qenë më e nxehta e regjistruar deri tani. Tani ne përballemi me një emergjencë klimatike me përmasa të pashembullta. Nëse ne nuk punojmë së bashku për të bërë ndryshime të mëdha dhe të shpejta, do të shohim vazhdimin e rritjes së temperaturave globale, shkrirjen e akullnajave, zjarret në kontinente dhe shpyllëzimin e shpejtë.

Tani, më shumë se kurrë, të gjithë duhet të bëjmë pjesën tonë për të kontribuar drejt një të ardhme më të gjelbër. Tashmë kemi heronjtë e ndryshimeve klimatike dhe mjedisit që bëjnë vazhdimisht fushata për një të ardhme më të mirë për planetin tonë. Këta heronj na rrethojnë çdo ditë, që nga emrat e mirënjohur si Greta Thunberg ose Leonardo Di Caprio e deri te heronjtë e panjohur, duke bërë pjesën e tyre për të ruajtur planetin. Ata janë vendimtarë për të ardhmen tonë, dhe jetikë për të na ndihmuar të rrisim profilin e riciklimit.

Dita Botërore e Riciklimit fokusohet në fuqinë e rinisë, arsimit dhe inovacionit në sigurimin e një të ardhmeje më të ndritur për planetin. Më 18 mars njerëzit në mbarë botën ftohen për të treguar mbështetjen e tyre për riciklimin.

a1info