Preshevë, 7 Korrik 2025 –

Shtabi për Situata të Jashtëzakonshme i Komunës së Preshevës ka njoftuar për përkeqësimin e situatës me zjarrin që filloi në malin e fshatit Shoshaj, i cili tashmë është shtrirë në drejtim të fshatit Raincë, duke përfshirë një sipërfaqe të gjerë dhe duke rrezikuar zonat përreth.

🚒 Ekipet e zjarrfikësve janë në terren, por për shkak të përmasave dhe intensitetit të zjarrit, është kërkuar mobilizim urgjent i banorëve dhe ndihmë teknike.

📢 Banorët e Shoshajës dhe Raincës janë ftuar të bashkëpunojnë ngushtë me autoritetet, ndërsa është bërë thirrje për ndihmë të menjëhershme edhe me mjete të rënda teknike, si:

Bagerë për hapjen e rrugëve dhe krijimin e korridoreve mbrojtëse, Cisterna uji për furnizim të pandërprerë në operacionet për shuarjen e flakëve.

🙏 “Ky është një moment që kërkon solidaritet dhe përkushtim të përbashkët, për të mbrojtur jetën, pronën dhe natyrën e komunës sonë,” thuhet në njoftimin zyrtar nga Shtabi për Situata të Jashtëzakonshme.

Autoritetet janë në gatishmëri të plotë dhe i bëjnë thirrje publikut që të raportojnë çdo lëvizje të zjarrit dhe të ndihmojnë sipas mundësive, duke respektuar udhëzimet e ekipeve në terren.

Redaksia e A1 Info do të ndjekë situatën në vijim dhe do t’ju mbajë të informuar në kohë reale.