Prishtinë, 9 tetor 2025 – Ministri i Punëve të Brendshme, Xhelal Sveçla, njoftoi sot se Policia e Kosovës, në bashkëpunim të ngushtë me Agjencinë Kosovare të Inteligjencës (AKI) dhe prokurorinë, ka arrestuar Fatmir Shehollin, me dyshimet e bazuara për përfshirje në spiunazh.

Në një reagim zyrtar, Sveçla tha se ky rast trajtohet me serioustitet të lartë institucional, pasi konsiderohet një nga aktet më të rënda ndaj sigurisë dhe rendit kushtetues të Republikës së Kosovës.

Ministri theksoi se Sheholli, i cili ka pasur hapësira të konsiderueshme mediatike, dyshohet të ketë bashkëpunuar me akterë që punojnë për të minuar stabilitetin dhe progresin e vendit.

Sveçla u shpreh gjithashtu:

“Koha e spiunëve të Serbisë në Kosovë ka përfunduar. Kushdo që punon kundër vendit do të ndiqet pa kompromis dhe pandalshëm. Republika duhet mbrojtur me përgjegjësinë më të lartë institucionale dhe morale.”

Rasti vijon të hetohet nga organet kompetente, ndërsa publiku pritet të informohet për zhvillimet e mëtejshme sipas procedurave ligjore.