Një nga programet më të rëndësishme për evidentimin e objekteve të paligjshme, “Evidentimi dhe regjistrimi i të drejtave pronësore”, synon të mundësojë një proces më të drejtë, transparent dhe gjithëpërfshirës të legalizimit të pronave në nivel kombëtar dhe lokal.

Sot u zhvillua një takim informues i organizuar nga Ministria e Ndërtimit, Transportit dhe Infrastrukturës dhe Agjencia Republikane e Gjeodetisë së Serbisë, ku u diskutua mënyra e zbatimit të programit në nivel lokal.

Takimi u drejtua nga Kryetarja e Kuvendit, znj. Ana Bërnabić, dhe Ministrja znj. Sofronijević, ndërsa morën pjesë edhe përfaqësues të NALED dhe njësive të vetëqeverisjes lokale.

Nga Komuna e Preshevës morën pjesë:

• Ekrem Salihu, Inspektor i Ndërtimit

• Enver Aliu, Sekretar i Këshillit Komunal

• si dhe përfaqësues të tjerë të komunës, të cilët kontribuuan në diskutim me qëllim që procesi të zhvillohet në mënyrë sa më efikase edhe në Preshevë.

Ky program pritet të rrisë sigurinë juridike të pronarëve, të përmirësojë planifikimin urban dhe të ndihmojë zhvillimin e qëndrueshëm të komunave në të gjithë vendin.