Londër – Një studim i përbashkët nga University College London dhe University of the Republic ka hedhur dritë mbi ndikimin e mundshëm të muzikës ritmike në funksionimin e trurit dhe procesin e plakjes.

Sipas të dhënave të mbledhura nga më shumë se 35,000 pjesëmarrës, studiuesit analizuan skanime cerebrale dhe informacion gjenetik për të kuptuar lidhjen midis muzikës dhe shëndetit mendor. Ata zbuluan se dëgjimi i muzikës me ritëm të qëndrueshëm – veçanërisht mes 120 dhe 130 rrahje në minutë (BPM), siç është rasti i zhanrit house, lidhet me uljen e nivelit të kortizolit, hormon i lidhur me stresin dhe plakjen.

Disa të dhëna tregojnë se dëgjimi i rregullt i muzikës me këtë tempo mund të nxisë aktivitet më të gjallë trunor, të ngjashëm me atë të individëve më të rinj në moshë, si dhe të përmirësojë variabilitetin e rrahjeve të zemrës – një tregues kyç i shëndetit afatgjatë.

Megjithatë, ekspertët theksojnë se janë të nevojshme kërkime shtesë për të konfirmuar përfitimet afatgjata dhe ndikimin konkret në ritmin e plakjes biologjike.

🧠 Këshillë: Edhe pse muzika nuk zëvendëson një stil jete të shëndetshëm, përfshirja e saj në rutinën e përditshme mund të ketë efekte pozitive si në trup, ashtu edhe në mendje.