Irani kishte larguar materialet bërthamore dhe kishte evakuuar objektet kyçe përpara sulmeve të fundit ajrore nga SHBA, deklaroi zyrtari iranian Hassan Abedini për televizionin shtetëror, raportuar nga Al Jazeera.

Sipas Abedinit, evakuimi i qendrave u bë pak para bombardimeve, gjë që shmangu rrezikun e ndonjë katastrofe bërthamore në rajon.

🇺🇸 SHBA: Objektet janë shkatërruar

Presidenti amerikan Donald Trump njoftoi më herët se SHBA kishte goditur tri qendrat bërthamore iraniane: Fordow, Natanz dhe Isfahan, të cilat i cilësoi si “plotësisht të shkatërruara”.

Por pala iraniane thekson se uraniumi i pasuruar ishte zhvendosur më herët dhe se objektet ishin bosh në momentin e sulmit.

“Nuk kishte materiale të rrezikshme që mund të shkaktonin rrezatim apo të dëmtonin popullsinë tonë,” tha Abedini, sipas burimeve të Reuters dhe Al Jazeera.

📍 Nuk ka ndotje radioaktive

Agjencia iraniane për energjinë bërthamore konfirmoi se nuk ka asnjë ndotje radioaktive rreth zonave të goditura, duke garantuar se nuk ka rrezik për banorët përreth.

🛠 Fordow me dëme të lehta

Sipas agjencisë iraniane të lajmeve Fars, objekti bërthamor Fordow nuk ka pësuar dëme të rënda, pasi goditjet preken vetëm pjesën sipërfaqësore të ndërtesës, që sipas autoriteteve mund të riparohet shpejt.

📌 Burimi: Al Jazeera / Reuters

🕊 Përcjell: A1info